कोरेगावात सायगावच्या एकाचा खून, एक गंभीर

कोरेगाव (जि. सातारा) : येथील दौलत चित्र मंदिराच्या व्हरांड्यात एक जण मृतावस्थेत, तर दुसरा गंभीर जखमी अवस्थेत आढळून आला आहे. दोघेही सायगाव (ता. कोरेगाव) येथील असून, घटनास्थळी दारूच्या बाटलीसह लाकडी दांडके पडल्याचे दिसून येत आहे. मृताच्या डोक्‍यातील गंभीर जखमेतून मोठ्या प्रमाणात रक्तस्त्राव झाला असून, त्याचा खून झाल्याचा अंदाज वर्तवण्यात येत आहे. मृत व जखमी या दोघांनाही नेमकी कशी मारहाण झाली? या दोघांव्यतिरिक्त त्या ठिकाणी आणखी कोणी होते का? याबाबतची माहिती घेण्याचे पोलिसांचे काम रात्री उशिरापर्यंत सुरू होते.
 
सुनील नंदकुमार घोरपडे (वय अंदाजे 48, रा. सायगाव, ता. कोरेगाव) असे मृताचे नाव असून, त्याच गावातील आनंदा बाळा जाधव हे गंभीर जखमी आहेत. शनिवारी दुपारी चारच्या सुमारास ही माहिती समजताच सहायक पोलिस निरीक्षक संतोष साळुंखे व त्यांच्या सहकाऱ्यांनी घटनास्थळी धाव घेतली. त्यावेळी रक्ताच्या थारोळ्यात पडलेल्या सुनील यांचा जागेवरच मृत्यू झाल्याचे स्पष्ट झाल्याने मृतदेह उत्तरीय तपासणीसाठी ग्रामीण रुग्णालयात नेण्यात आला. गंभीर जखमी असलेले आनंदा जाधव यांना उपचारासाठी सातारा येथील शासकीय रुग्णालयात नेण्यात आले.

कऱ्हाडकरांना आता रोज मिळणार जादा तीन लाख लिटर पाणी

दरम्यान, दोघेही सायगाव येथील असल्याचे समजताच पोलिसांनी दोघांच्याही नातेवाईकांशी संपर्क साधून घटनेविषयी माहिती दिली. घटनास्थळी दारूच्या बाटलीसह लाकडी दांडके पडल्याचे दिसून येत आहे. नंदकुमार व आनंदा या दोघांव्यतिरिक्त त्या ठिकाणी आणखी कोणी होते का? कोणी कोणाला मारहाण केली? याबाबतची माहिती घेण्याचे पोलिसांचे काम रात्री उशिरापर्यंत सुरू होते. दरम्यान, अतिरिक्त पोलिस अधीक्षक धीरज पाटील, उपअधीक्षक आंचल दलाल यांनी घटनास्थळी भेट देऊन पाहणी केली. गुन्हे शाखेचे पथकदेखील दाखल झाले.

कोरेगाव पोलिसांचा फार्म हाऊसवर छापा; पनवेलचे चार अटकेत

Edited By : Siddharth Latkar

Source From : esakal