Pandemic : कोरोनापेक्षाही सात पटीने प्राणघातक महामारीचं स...
मुंबई : जग आता कुठे कोविड-19 (Covid-19) महामारीतून (Pandemic) सावरत आहे. 2020 मध्ये कोरोना महामारीची (Corona Pandemic) सुरुवात झाली. या महामारीने ...
September 26, 2023
झाडाखाली जाणं जीवावर बेतलं, सोहोलीत महिलेचा मृत्यू
October 11, 2020
कडेगाव (सांगली) : सोहोली (ता. कडेगाव) येथे अंगावर वीज पडून रत्नाताई अंकुश कदम (वय 52) यांचा मृत्यू झाला. ही घटना काल शनिवारी (ता. 9) दुपारी तीनच्या सुमारास घडली. या घटनेची कडेगाव पोलिस ठाण्यात नोंद झाली आहे.
याबाबत अधिक माहिती अशी की, सोहोली येथे रत्नाताई व अन्य दोन महिला शेतात शेतकाम करण्यासाठी गेल्या होत्या. तर दुपारी दोनच्या सुमारास ढगांचा गडगडाट व विजांच्या कडकडाटासह जोरदार पावसाळा सुरुवात झाली. या वेळी सोबत असलेल्या अन्य दोन महिलांना शेतात असलेल्या झाडाखाली जावू या असे रत्नाताई म्हणाल्या, अन् त्यानंतर त्या झाडाखाली निवाऱ्याला जात असताना आकाशात विजांचा कडकडाट झाला अन् नेमकी वीज रत्नाताई कदम यांच्या अंगावर पडली. त्यामध्ये त्या गंभीर जखमी झाल्या त्यानंतर सोबतच्या महिलांनी ग्रामस्थांच्या मदतीने त्यांना उपचारासाठी तत्काळ कडेगाव येथील ग्रामीण रुग्णालयात हलविले. तेथील वैद्यकीय अधिकाऱ्यांनी त्यांना मृत घोषित केले.
या घटनेची कडेगाव पोलिसांत नोंद झाली असून अधिक तपास सहायक पोलिस निरीक्षक संदीप साळुंखे करीत आहेत. वीज चमकत असेल तर शक्यतो झाडाखाली थांबू नये, असे सांगितले जाते. कारण, वीज उंच जागी, झाडांवर कोसळते. नारळाच्या झाडांवर वीज कोसळल्याचे अनेक प्रकार पावसाळ्यात पहायला मिळतात.
स्पष्ट, नेमक्या आणि विश्वासार्ह बातम्या वाचण्यासाठी ‘सकाळ’चे मोबाईल अॅप डाऊनलोड करा
Web Title: Going under a tree is fatal, death of a woman in Soholi
<!–
–>
Source From : esakal
टॅग :
तुम्हालाही आवडेल
महाराष्ट्र योगशिक्षक संघातर्फे राज्यस्तरीय योगासन स्पर्धे...
दि १५ ऑगस्ट २०२३ प्रतिनिधी, बदलापूर योगा फाउंडेशन संचलित महाराष्ट्र योगशिक्षक संघ अंतर्गत महायोगोत्सव- 2023 नागपूर निमित्त आयोजित राज्यस्तरीय ऑ...
August 15, 2023
